ഒരു യാത്ര അയപ്പുമില്ലാതെ, ഒരാൾ കൂടി മടങ്ങുന്നു

January 19 -ഇന്നൊരു UAE Blogger നാട്ടിൽ പോവുകയാണു- ആളും, ആരവങ്ങളുമില്ലാതെ...
http://v-pandavas.blogspot.com/

കഴിഞ്ഞ UAE Blog meet ൽ പരിചയപ്പെട്ടു..പെട്ടെന്നു അടുത്തു; സുഹ്രുത്തായി.

ഒന്നു നേരിൽ കണ്ടു സംസാരിക്കണം എന്നാവശ്യപ്പെട്ടുകൊണ്ടിരുന്ന അവനെ ഞാൻ എല്ലായ്പ്പോഴും നിരാശപ്പെടുത്തിക്കൊണ്ടിരുന്നു.. അവസാനം കഴിഞ്ഞ ആഴ്ച അവൻ പറഞ്ഞു, ഈ ആഴ്ച അവസാനം കാണാൻ പറ്റിയില്ലെങ്കിൽ ഇനി ഇവിടെ വെച്ചു കാണാൻ ഇടയുണ്ടാവില്ല, നാട്ടിൽ പോവുകയണത്രെ.

അങ്ങനെ കഴിഞ്ഞ വാരാന്ത്യത്തിൽ dubaiലെ ഒരു parkൽ വെച്ചു കണ്ടു..അവന്റെ രണ്ടു സുഹ്രുത്തുക്കളുമുണ്ടായിരുന്നു..കുറച്ചു സംസാരിച്ചു..അതിലേറെ ചിരിച്ചു. cinema യും, സാഹിത്യവും, പ്രണയവുമൊക്കെ സംസാരത്തിൽ വന്നു..

ഒരു യാത്ര അയപ്പുമില്ലാതെ, ഒരാൾ കൂടി മടങ്ങുന്നു. തിരിച്ചു വരുമെന്നുറപ്പില്ലാതെയുള്ള ഒരു യാത്ര പുറപ്പെടൽ..

cinema സ്വപ്നമായി കൊണ്ടു നടക്കുന്ന അവനു ചെന്നെത്താൻ ഒരു വഴി പറഞ്ഞയക്കുന്നു എന്നൊരു സന്തോഷം. എന്നാലും ഒരു നൊമ്പരം.

അവൻ തന്നെ എഴുതിയതുപോലെ നമ്മൾ പോലുമറിയാതെ ചിലർ ജീവിതത്തിലേക്കു കയറിവന്ന് ഒരു കയ്യൊപ്പു ചാർത്തി ഇറങ്ങി പോവും... അതു പോലെയൊന്ന്...

നന്നായി വരട്ടെ.