കഴിഞ്ഞ കുറെ നാളുകളായി Blog ഉൾപ്പടെയുള്ള മാദ്ധ്യമങ്ങളിൽ നിറഞ്ഞു നിൽക്കുന്ന വാർത്ത, പിണറായി വിജയൻ എന്ന രാഷ്ട്രീയ നേതാവും, തന്റെ പ്രതിഛായക്കു കോട്ടം തട്ടുന്ന രീതിയിൽ കുറേപ്പേർ ചേർന്നു Internet മാധ്യമത്തിലൂടെ അപമാനിക്കാൻ ശ്രമിച്ചപ്പോൾ അദ്ദേഹം അതിനെതിരെ Cyber Cell നു പരാതി കൊടുത്ത് കുറ്റക്കാരെ കണ്ടെത്തിയതുമാണല്ലോ ?
ഈ വിഷയത്തിൽ Blogൽ ഞാൻ ആദ്യം ശ്രദ്ധിച്ച post ചിത്രകാരന്റേതാണു http://chithrakarans.blogspot.com/2009/11/blog-post_23.html. ചിത്രകാരന്റെ postൽ ഈ വിഷയം ചർച്ച ചെയ്യുന്ന മറ്റു Blogകളിലേക്കുള്ള link കളും കൊടുത്തിട്ടുണ്ട്.
പിന്നെക്കണ്ടത് http://politicsofthemasses.blogspot.com/2009/11/blog-post.html
പിന്നെ ഇവിടെ http://keralablogacademy.blogspot.com/2009/11/blog-post.html
ഓരോ postഉം എനിക്കു താൽപര്യം തോന്നിപ്പിച്ചു.
ഈ Blogകളിലൂടെ ഒക്കെ വായിച്ചു പോയപ്പോൾ അസാധാരണമായി എനിക്കു തോന്നിയത് Bloggers ഈ post കളോടു പ്രതികരിക്കുന്ന രീതിയാണു. ഇത്രക്കൊക്കെയേ ഉള്ളോ മലയാളം Bloggers എന്നു അൽപം വിഷമത്തോടെ ചിന്തിച്ചുപോയി...
സമൂഹത്തെ നിയന്ത്രിച്ചു നിർത്തുന്നതിൻ അധികാരം ഓരോ വഴികൾ തേടുമ്പോൾ (അധികാരം എന്നു പറയുമ്പോൾ അതിൽ ഒരു പ്രത്യേക രാഷ്ട്രീയ പാർടിയെ ഞാൻ ഉദ്ദേശിക്കുന്നില്ല, എല്ലാ രാഷ്ട്രീയ വിഭാഗക്കാരും, Bureaucratകളും ഉൾപ്പെടുന്ന വലിയ ഒരു സമൂഹത്തെയാണ് ഞാൻ വിവക്ഷിക്കുന്നത്. ) അത്തരം വഴികൾ ഒരിക്കലും ഒരു പൗരന്റെ ധാർമ്മികാവകാശങ്ങളുടെ മേലുള്ള കടന്നുകയറ്റം ആവാതിരിക്കണമെന്നും ഏവരും സമ്മതിക്കുമല്ലോ? ഞാൻ ജനിക്കുന്നതിനും മുൻപെ ഇന്നാട്ടിൽ ഉണ്ടായ അടിയന്തിരാവസ്ഥയുടെ ഭീതികൾ ഒക്കെ നേരിട്ടറിഞ്ഞ ഒരു തലമുറക്കു അതിൽ ഒരു സംശയവും ഉണ്ടാവേണ്ടതല്ല.
അതുകൊണ്ടുതന്നെ, നമ്മുടെ രാജ്യത്തെ നീതിന്യായ വ്യവസ്ഥയിൽ ഒരു മാറ്റം കൊണ്ടുവരുമ്പോഴും, രാജ്യത്തെ പരമോന്നത കോടതി നിർണ്ണായകമായ ഒരു വിധി പ്രസ്താവം നടത്തുമ്പോഴും അതൊക്കെ സശ്രദ്ധയോടെ നോക്കികാണുകയും, ചർച്ച ചെയ്യപ്പെടുകയും പതിവാൺ; പൗരാവകാശങ്ങളെക്കുറിച്ച് ബോധമുള്ള ഏതൊരു സമൂഹവും ഇതൊക്കെ ചെയ്യും - അതു India ആയാലും, U.S ആയാലും Cuba ആയാലും!
നമ്മൾ കേരളീയർ "ഭയങ്കര പ്രബുദ്ധർ" ആണെന്നാണല്ലോ വെപ്പ്? ഞാനും അങ്ങനെ തന്നെയാണു കരുതുന്നത്. അപ്പോൾ അത്യാവശ്യം സാമൂഹിക - രാഷ്ട്രീയ- വൈജ്ഞാനിക Blogging ഒക്കെ നടത്തുന്ന മലയാളികൾ കൂട്ടത്തിലെ ഒരു വരേണ്യ "ബുദ്ധിജീവി" വിഭാഗമാണെന്നു ഞാൻ കരുതിയെങ്കിൽ ആരും തെറ്റു പറയില്ലല്ലോ??
പക്ഷെ മുൻപ് സൂചിപ്പിച്ച Blogകളുലെ comment കളിൽ പോയി നോക്കു. പഴയ Proletarian കാലഘട്ടത്തിലേയെന്ന പോലെ, അധികാരവർഗ്ഗം, സാധാരണ പൗരന്മാരെ നിശ്ശബ്ദരാക്കി, പൗരാവകാശങ്ങൾ നിഷേധിച്ച് മുന്നോട്ടുപോയാലുള്ള അപകടത്തെക്കുറിച്ച് ആശങ്കപ്പെടുകയും ആ വിഷയത്തിൽ കാമ്പുള്ള ചർച്ചകൾ തുടങ്ങാൻ വേദിയൊരുക്കുകയും ചെയ്ത postകളിൽ വന്ന comment കൾ ശ്രദ്ധിക്കു- വ്യക്തിഹത്യകളും, ചവിട്ടി നിൽക്കുന്ന മണ്ണൂർന്നു പോകുമ്പോഴും നേതാക്കൾക്കു ഓശാന പാടുന്നവരുടെ സ്തുതിഗീതങ്ങളും, പിന്നെ മൊഴി മുട്ടുമ്പോൾ തെറി വിളികളും മാത്രം!
cyber law യെക്കുറിച്ചിപ്പോഴും പൊതുജനങ്ങളടെയിടയിൽ വ്യക്തമായ ധാരണ ഉണ്ടായിട്ടില്ല. പക്ഷെ ഒരു e-mail പോലും ഒരു വ്യക്തിയെ 7 വർഷം തുറുങ്കിലടക്കാനുള്ള അധികാരം ഭരണകൂടത്തിനു നൽകുന്നുവെങ്കിൽ, അത്തരം email അയക്കാതിരിക്കാൻ വേണ്ടിയെങ്കിലും നമ്മൾ ആ നിയമം അറിയണം. Indian IT Act 2000 ൽ, ചില കൂട്ടിച്ചേർക്കലുകൾ വരുത്തുന്നതിനെക്കുറിച്ചുള്ള ആലോചനകൾ മുറുകിയതു തന്നെ, 2004ൽ Bazze.com ന്റെ Country Manager ആയിരുന്ന Avinash Bajaj ന്റെ അറസ്റ്റോടു കൂടിയാണു. അവിനാശ് corporate മേഖലയെ പ്രധിനിധീകരിക്കുന്ന ആളായതുകൊണ്ട്, രാജ്യത്തെ corporate ഭീമന്മാരും, media യും അതൊരു അവസരമാക്കി, IT corporate ഭീമന്മാർക്കു ഗുണമാകുന്ന രീതിയിൽ Cyber Act ഭേദഗതി ചെയ്യാനുള്ള lobbying തുടങ്ങി. digital signatureകൾ നിലവിൽ വന്നാൽ ഉണ്ടാവാൻ സാധ്യതയുള്ള ഭീമമായ Business സാധ്യതകളാണു IT മേഖലയെ ഇതിനു പ്രേരിപ്പിച്ചതെങ്കിൽ, print media യിൽ നിലവിലുള്ള കർക്കശമായ Censorship നെ വിദഗ്ധമായി മറികടക്കാൻ, Internet media സഹായിച്ചേക്കും എന്നുള്ള തെറ്റിപ്പോയ ഒരു പ്രതീക്ഷ ആയിരുന്നിരിക്കണം mediaയെ ഇതിലേക്കു ആകർഷിച്ച ഘടകം. പക്ഷെ എതിർപ്പുകൾ ഉയർന്നതിനെ ത്തുടർന്ന് അത്ര പെട്ടെന്നത് നടപ്പായില്ല. പിന്നെ, ഇഴഞ്ഞു നീങ്ങിയ നിയമ ഭേദഗതി 2008ൽ വെറും 17 minute സമയം കൊണ്ടു നമ്മുടെ നിയമ നിർമ്മാണ സഭ പാസ്സാക്കി! അതും രാജ്യസഭയും, ലോകസഭയും മുംബൈ കലാപത്തിന്റെ ചൂടുപിടിച്ച ചർച്ചകൾക്കിടയിൽ കിടന്നു തിളക്കുമ്പോൾ!
രാഷ്ട്രപതിയുടെ ഒപ്പോടുകൂടി october മാസം നിയമം ആവുകയും ചെയ്തു. നിയമം നിലവിൽ വന്നു കഴിഞ്ഞു സാധാരണക്കാരായ ജനം ചർച്ച ചെയ്തു തുടങ്ങിയപ്പോളാണു 1885ൽ ബ്രിട്ടീഷ്കാരൻ കൊണ്ടുവന്ന Telegraph Actൽ പറഞ്ഞിരുന്നത്രയും പോലും വ്യക്തിസ്വാതന്തൃയം ഇതിലില്ല എന്നറിഞ്ഞു തുടങ്ങിയത്! (IT Act 2000ലെ ഈ ഭാഗം നോക്കു. 2008ലെ ഭേദഗതികളിലും ഇതിൽ മാറ്റമില്ല! ) എന്നിട്ടും നമ്മുടെ "പ്രബുദ്ധ മലയാള Blogger" മാർക്കതൊരു ചർച്ചാ വിഷയം ആയി തോന്നുന്നില്ല! പറഞ്ഞു വരുപോൾ പിന്നെയും കറങ്ങിത്തിരിഞ്ഞു പിണറായി വിജയൻ എന്ന രാഷ്ട്രീയക്കാരനിലെത്തി നിൽക്കും! (ചിലർ കുറേക്കൂടി കടന്ന് ജാതിയും, മതവുമൊക്കെ എടുത്തു കൊണ്ടു വരുന്നതു കണ്ടു!)
ആധികാരികമായി ഇതിനെക്കുറിച്ചൊക്കെ അറിയാവുന്നവർ മലയാളം Blog എഴുതുന്നവരിൽ കുറവായിരിക്കും, എന്നാലും വീമ്പു പറയുന്നതിലും, പരസ്പരം വഴക്കിടുന്നതിലും നല്ലതല്ലേ പരസ്പര ബഹുമാനത്തോടെ കാര്യങ്ങൾ സംസാരിച്ച് മനസ്സിലാക്കാൻ ശ്രമിക്കുന്നത്? അല്ല, അല്ലേ?
Off Topic: "മൗനം വിദ്യാനു ഭൂഷണം" തന്നെ, എന്നാലും ചിലപ്പോഴൊക്കെ അറിയാവുന്നതു പറയണം. മൂക്കില്ലാ രാജ്യത്തെ മുറിമൂക്കൻ രാജാക്കന്മാരിഷ്ടമ്പോലെയുള്ള സ്ഥലമാണു ബൂലോകം എന്നെല്ലാവർക്കും അറിയാം. അതു കൊണ്ടു തന്നെ അബദ്ധം പറ്റിയാലും നമ്മളൊക്കെയല്ലേ അറിയൂ!
എന്റെ ജീവിതാനുഭവങ്ങളും, സ്വപ്നങ്ങളും, പിന്നൊരിത്തിരി സാഹിത്യവും...
Showing posts with label Human rights. Show all posts
Showing posts with label Human rights. Show all posts
Tuesday, 1 December 2009
Subscribe to:
Posts (Atom)