എന്റെ ജീവിതാനുഭവങ്ങളും, സ്വപ്നങ്ങളും, പിന്നൊരിത്തിരി സാഹിത്യവും...

Sunday, 8 February 2009

കല്യാൺ ജ്യല്ലറി പരസ്യവും, ശബരീനാഥും, പിണറായി ബ്യുറോയും.

ഒന്നും എഴുതാൻ തോന്നുന്നില്ല..

പ്രതികരണശേഷി ഏതാണ്ടു മുഴുവനായും ഇല്ലായാതാവുന്നതു പോലെ..

കല്യാൺ ജ്യല്ലറി പരസ്യം കണ്ടില്ലേ? ഇനി മുതൽ വില പറച്ചിലില്ല, പറയുന്ന കാശു കൊടുത്തു സ്വർന്നം വാങ്ങി പൊയ്ക്കോണം.. പക്ഷെ പരസ്യം കണ്ടാൽ തോന്നുക, വാങ്ങുന്നവനു ഏതണ്ടു വലിയ ലോട്ടറി അടിച്ചെന്നാണു!

പാവം Dr. രമണി, അവർ ഒരോന്നു വിളിച്ചു പറയുന്നതിനു മുൻപു സ്വന്തം ജീവിതത്തെ കുറിച്ചു ഓർത്തില്ലെങ്കിലും അവരുടെ മക്കളുടെ കാര്യമെങ്കിലും ഓർക്കേണ്ടതായിരുന്നു.. (അവർ മന്ത്രി മക്കളെ വെറുതെ കുറ്റം പറയുന്നുവേന്നോർത്തല്ല.. Dr.രമണിയുടെ മക്കളെ പോലും അവരൊക്കെ (ആരോ?.. പക്ഷെ എല്ലാവർക്കും അറിയാം അല്ലേ) വെറുതെ വിടുമോന്നോർത്താ വിഷമം! ) അതിൽ ആരാ കള്ളൻ എന്നെനിക്കറിയില്ല..

പക്ഷെ എനിക്കിപ്പോൾ വലിയ ഒരു സംശയം - നമ്മൾ മലയാളികളെ ഇത്ര മന്ദബുദ്ധികളായാണോ പരസ്യ കമ്പനിക്കാരനും, തട്ടിപ്പുകാരനും, രാഷ്ട്രീയക്കാരനും ഒക്കെ കാണുന്നത്‌?

പ്രകാശ്‌ കാരാട്ടിനെ എനിക്കു നല്ല ബഹുമാനമായിരുന്നു.. പക്ഷെ പോളിറ്റ്‌ ബ്യുറോ വെറും പിണറായി ബ്യുറോ ആക്കുന്നതു കാണുമ്പോൾ..യഥാർത്ത കമ്മ്യുണിസതിന്റെ അവസാന പ്രതീക്ഷ ആയിരുന്ന കേരളത്തിലും അതു നഷ്ടപ്പെടുകയാണെന്ന തോന്നൽ..

നമ്മൾ അമേരിക്കക്കാരെ കാളും 10 വർഷം പുറകിലാണെന്നതു സത്യമാ. അവർ മുതലാളിത്തതിന്റെയും ആർഭടതിന്റെയും ദൂഷ്യം തിരിച്ചറിഞ്ഞു ഒരു പാതി കമ്മ്യൂണിസത്തിലേക്കു ചായുമ്പൊൾ നമ്മളിവിടെ ലിട്ടർ കണക്കിനു കള്ളു കുടിച്ചു, സ്വന്തം നിഷ്ക്രിയതം മറക്കാൻ ശ്രമിക്കുന്നു... പാവം മലയാളി ... നമ്മൾ ഇത്ര മണ്ടന്മാർ ആയിപ്പൊയല്ലോ? അല്ലെങ്കിൽ, ചിലരെങ്കിലും അങ്ങനെ കരുതുന്നല്ലോ?

Sunday, 4 January 2009

മമ്മുട്ടി പറഞ്ഞാലെങ്കിലും കേൾക്കുമായിരിക്കും...

മമ്മുട്ടി പറഞ്ഞാലെങ്കിലും കേൾക്കുമായിരിക്കും... കേരളീയന്റെ ജീവിതതെ തകർക്കാൻ പോകുന്ന അടിസ്ഥാനമില്ലാത്ത, തെറ്റായ മൂല്യബോധത്തെക്കുറിച്ചു ആരു പറഞ്ഞാലും ചെവികൊള്ളാൻ തയ്യാരാകാത്ത മലയാളി, ഇനി മമ്മുട്ടി പറയുന്നതെങ്കിലും കേട്ടു മാറുമോ?

http://www.i-am-mammootty.blogspot.com/

Thursday, 18 December 2008

കല്യാണം

കല്യാണം ഒരു സ്വപ്നത്തിന്റെ അന്ത്യവും, മറ്റൊന്നിന്റെ തുടക്കവുമാണു.

Sunday, 14 December 2008

ഒരു "ശ്രീനിവാസനിസ്റ്റ്‌"ചിന്തകന്റെ പരിവേദനങ്ങൾ

കഴിഞ്ഞ ദിവസം ഞാൻ വിശാലേട്ടന്റെ കൊറ്റകരപുരാണം എടുത്തു നോക്കി... നല്ല V.K.N സ്റ്റ്യിലിൽ ഉള്ള ഒരു കുറിപ്പു.. അതിനു ഏതാണ്ടു 100 ലേറെ commentsഉം. ശരിക്കും ബ്ലോഗുകൾ വളരുന്നു എന്നതിന്റെ തെളിവ്‌.

മറ്റൊന്നു കൂടി ഞാൻ note ചെയ്തു. ഞാൻ കഴിഞ്ഞ മാർച്ചിലെഴുതിയ ഒരു Blogനു (ചീര ക്രുഷിയുടെ സാമ്പത്തിക ശാസ്ത്രം. http://kuttettantekurippukal.blogspot.com/2008/03/blog-post.html) ഒരു comment പോലുമില്ലാ! Comment കിട്ടാത്തതിൽ ലേശം നിരാശ ഉണ്ട്‌.

പക്ഷെ അതിനുമപ്പുറം, ഇപ്പൊഴുത്തെ സാമ്പത്തിക പ്രതിസന്ധിയുടെ കാലത്തു പോലും ആരും അതു ശ്രദ്ധിക്കുന്നില്ല എന്നുള്ള കാര്യം എന്നെ അത്ഭുതപ്പെടുത്ത്തുന്നു. ജീവിതം മുഴുവൻ ഗൗരവമായതു കൊണ്ടാണോ, മറ്റൊരുത്തന്റെ ഗൗരവ ചിന്തകൾ വായിച്ചു analysis നടത്തെണ്ട എന്നു എല്ലാവരും തീരുമാനിച്ചത്‌ ?

ഒരു "ശ്രീനിവാസനിസ്റ്റ്‌ ഫിലോസഫിക്കു" ബൂലോകത്തു സ്ഥാനമില്ലേ? എന്താണു നിങ്ങളുടെ അഭിപ്രായം?

Monday, 17 March 2008

ചീര ക്രഷിയുടെ സാമ്പത്തിക ശാസ്ത്രം.

2 മാസം കഴിഞ്ഞു ദുബായില്‍ നിന്നും നാട്ടില്‍ എത്തിയിട്ട്‌...

ദിവസങ്ങള്‍ കഴിഞ്ഞുപോകുന്നതും, ചുറ്റും നടക്കുന്നതും ഒന്നും ശ്രദ്ധിക്കാതെ കുറെ ദിവസങ്ങള്‍...

വര്‍ഷങ്ങള്‍ക്കു ശേഷം ശരിക്കും ഒരു ഒഴിവുകാലം ആഖോഷിക്കുകയാണ്‌...
കുറെ യാത്രകള്‍ നടത്തി..., ബന്ധു വീടുകളില്‍ ഒക്കെ പോയി..
നാട്ടില്‍ ഇപ്പോള്‍ ആരും ഇല്ല! എല്ലാവരും വിദേശത്താണ്‌... കുറഞ്ഞപക്ഷം മദിരാശിയിലൊ, ബാങ്ങ്ലോരിലോ എങ്കിലും പോകണം എന്നാണു പഠിച്ചിറങ്ങുന്ന കുട്ടികളുടെ ചിന്ത!

വീട്ടില്‍ അരി വാങ്ങേണ്ട ഗതികേട്‌... പാലിനും, മുട്ടക്കും തീ വില... എന്നാലും ഒരു കറിവേപ്പില പോലും വീട്ടു തൊടിയില്‍ നട്ടു വളര്‍ത്താന്‍ ആര്‍ക്കും താല്‍പര്യമില്ല...

സമൂഹത്തിണ്റ്റെ മാറ്റങ്ങള്‍ക്കൊത്തു മാറാന്‍ കഴിയണം; അങ്ങനെ മാറുന്നതാണ്‌ പ്രായോഗികം.. ഞാനുള്‍പ്പെടുന്ന മലയാളിക്ക്‌ അതു കഴിയുന്നതു കൊണ്ടാണെല്ലോ, കേരളം സാമ്പത്തിക വളര്‍ച്ചയില്‍ മറ്റു സംസ്ഥാനങ്ങളെ അപേക്ഷിച്ച്‌ മുന്‍പിലെത്തിയത്‌...

പക്ഷെ ഒരു സംശയം; കേരളത്തില്‍ യഥാര്‍ഥത്തില്‍ ശരിയായ വികസനം ആണോ നടന്നു കൊണ്ടിരിക്കുന്നത്‌? ഞാന്‍ ഒരു സാമ്പത്തിക വിദഗ്ഥന്‍ അല്ല. പക്ഷെ സാമാന്യ ബുദ്‌ധിക്കു നിരക്കുന്ന കാര്യങ്ങളല്ല കേരളത്തില്‍ നടക്കുന്നതെന്ന് ഏതു കൊച്ചുകുട്ടിക്കും മനസ്സിലാകും. സ്വയം പര്യാപ്തമല്ലാത്ത ഒരു സമൂഹമാണു കേരളത്തില്‍ ഇന്നുള്ളത്‌. നമ്മുടെ നാട്ടിലെ വളര്‍ച്ച എന്തിനെ അടിസ്ഥാനപെടുത്തിയാണ്‌?

ഒരു കാര്യം വ്യക്തം. അതു നാട്ടിലെ ക്രഷിയേയൊ, വ്യവസായത്തെയൊ അടിസ്ഥനമാക്കിയുള്ളതല്ല. മറുനാട്ടില്‍ നിന്നും കേരളത്തിലേക്കൊഴുകിയ പണം മാത്രമാണു കേരളത്തിണ്റ്റെ വളര്‍ച്ചയുടെ പിന്നില്‍. അതില്‍ തെറ്റില്ല. അരശതകം ഭാരതം ഭരിച്ച ഉത്തരേന്ധ്യന്‍ പ്രഭുക്കള്‍, ദക്ഷിണ ഭാരതത്തിണ്റ്റെ വ്യാവസായിക വളര്‍ച്ച മറക്കുകയും, നമ്മുടെ കാര്‍ഷിക വിളകളില്‍ "കൊളസ്റ്റ്രോളിണ്റ്റെ അളവു കൂടുതല്‍" ആണെന്നു കണ്ടുപിടിക്കുകയും ചെയ്തതോടുകൂടി "ബുദ്ധിമാനായ പാവം മലയാളിക്കു", പണമുണ്ടാക്കനുള്ള എളുപ്പ വഴി വിദേശത്തേക്കു പറക്കുക എന്നുള്ളതായിരുന്നു.

മലയാളി പറന്നു; പണവുമുണ്ടാക്കി. അതു വരെ കാര്യങ്ങള്‍ സുന്ദരം. ഉണ്ടാക്കിയ പണം വലിയ വീടുകള്‍ വെച്ചു. (ഇതിനെ മലയാളിയുടെ വിഡ്ഢിത്തമെന്നു പറഞ്ഞു കളിയാക്കുന്നവര്‍, മലയാളിയുടെ സാമൂഹ്യമനോഭാവം മനസ്സിലാക്കാത്തവരാണ്‌. ഒരു വീട്‌, ഉടമയുടെ സാമ്പത്തിക സ്ഥിതിയുടെ അളവുകോലായി അടുത്തകാലം വരെയും കണക്കാക്കിയിരുന്നു. അതുകൊണ്ടു തന്നെ വലിയ ഒരു വീടു വെച്ച്‌, സമൂഹത്തിലെ ഉന്നതന്‍മാരുടെ ശ്രേണിയിലെത്താനും, അതുവഴി, ഉന്നതന്‍മാര്‍ക്കു മാത്രം അവകാശപ്പെട്ട ചില സൌജന്യങ്ങളും, അംഗീകാരങ്ങളും നേടിയെടുക്കാനും ശ്രദ്ധിച്ച മലയാളിയുടെ അതിസാമര്‍ഥ്യം മാത്രമായിരുന്നു അത്‌. )

വീടു കഴിഞ്ഞപ്പോള്‍, പണമുള്ളവന്‍ കൂടുതല്‍ പത്രാസ്സ്‌ കാട്ടാന്‍ തുടങ്ങി.
കാറുകള്‍, സ്വറ്‍ണം, ഫ്ലാറ്റുകള്‍ എല്ലാം വാങ്ങി കൂട്ടാന്‍ തുടങ്ങി.

സങ്ഗതികള്‍ അവിടെ വരെ എത്തിയപ്പോള്‍ നാട്ടില്‍ മാന്യമായ ജോലിയും, ഉള്ള ഭൂമിയില്‍ ക്രഷിയും ഒക്കെ ആയി സന്തോഷമായി ജീവിച്ചിരുന്ന ശരാശരി മലയാളി കുടുംബം, കാറും, ബൈ ക്കും വാങ്ങാനായി ഉള്ള ക്രഷി ഭൂമി വിറ്റുതുടങ്ങിയതാണ്‌ മലയാളിയുടെ അഥപതനത്തിണ്റ്റെ ആരംഭം.

ഭൂമി വിറ്റു തുടങ്ങിയവര്‍, ഭാഗികമായി ക്രഷിക്കാരായ, നഗരങ്ങളില്‍ താമസിച്ചു ജോലിക്കു പൊയിക്കൊണ്ടിരുന്ന ഉദ്യോഗസ്ഥരായിരുന്നു. പിന്നീട്‌ ആ പ്രവണത, കൊച്ചു പട്ടണങ്ങളായി മാറിക്കൊണ്ടിരിക്കുന്ന, ഗ്രാമ പ്രദേശങ്ങളിലെ മുഴുസമയ ക്രഷിക്കാരും പിന്തുടര്‍ന്നു.

ഭൂമി വാങ്ങിയതു മുഴുവന്‍ വിദേശ മലയാളികള്‍. ഒരിക്കലും ക്രഷി ചെയ്യാതെ, ഏക്കറുകളുടെ വലുപ്പം നിക്ഷേപ കോളത്തില്‍ മാത്രമൊതുക്കിയ വിദേശ മലയാളി, കേരളത്തിലെ ക്രഷി ഭൂമിയെ തരിശ്ശുനിലങ്ങളാക്കി മാറ്റി. "വിദേശിയണ്റ്റെ നാട്ടിലെ ബന്ധു"വിനും ക്രഷിയോടു താല്‍പര്യമില്ലായിരുന്നു. നാട്ടില്‍ shopping complex പണിയാനും, ഭൂമിയുടെയും, കാറിണ്റ്റെയും മറിച്ചു വില്‍പനയിലുമായിരുന്നു "NRI അളിയണ്റ്റെ" നാട്ടിലെ അളിയനു താല്‍പര്യം!

അങ്ങനെ ക്രഷിയുടെ കാര്യം കഴിഞ്ഞു!

പിന്നെ വ്യവസായം... ഏതു പദ്ധതി വന്നാലും എതിറ്‍ക്കുന്നവരാണു കേരളത്തിലെ രാഷ്ട്രീയക്കാര്‍ എന്നൊരു ദുഷ്പേര്‌ പണ്ടേ ഉണ്ട്‌. പക്ഷെ സത്യം എന്താണു? എല്ലാവര്‍ക്കും കൊടുക്കണ്ടതു മുറപ്പടി കൊടുത്താല്‍ കേരളത്തില്‍ എന്തു വ്യവസായവും തുടങ്ങാം സറ്‍! അങ്ങനെ എല്ലാ മാസവും പടി കൊടുത്തു വ്യവസായം നടത്താന്‍ വയ്യാത്തവര്‍ക്കു മസില്‍ പവ്വര്‍ വേണം. ഇതൊന്നുമില്ലെങ്കില്‍ വ്യവസായം നടത്താന്‍ കേരളത്തിലോട്ടു വന്നു സമയം മെനക്കെടുത്തരുത്‌ സറ്‍!

ശരി, ഇതൊക്കെ എല്ലാവര്‍ക്കും അറിയാം. ഞാനിവിടിരുന്നെഴുതിയും, നിങ്ങളവിടിരുന്നു വായിച്ചും നമുക്ക്‌ എന്തു സമൂഹ്യ വിപ്ളവം ആണു വരുത്താന്‍ കഴിയുന്നത്‌?!

ഒരു കാര്യം നടക്കും സറ്‍. കേരളത്തില്‍ ഉണ്ടെങ്കില്‍ സ്വയം ചെയ്യുക, അല്ലെങ്കില്‍ നാട്ടില്‍ ഉള്ള അമ്മയോടും, ചേച്ചിമാരോടും താഴെ പറയുന്ന കാര്യങ്ങള്‍ ചെയ്യാന്‍ പറയുക.

1. ചുവന്ന ചീരയ്ടെ വിത്ത്‌ വാങ്ങി കിളിപ്പിക്കുക. അതിനു വെറുതെ മന്നു കിളച്ചു പാകിയാല്‍ മതി. കുറച്ചു വളര്‍ന്ന് ഒരു ൧൦cm പൊക്കം വെക്കുമ്പോള്‍, ഒരു ഒന്നരയടി അകല്‍ത്തില്‍ മണ്ണില്‍ പറിച്ചു നട്ടു വളര്‍ത്തുക. ഫ്ലറ്റില്‍ ആണു താമസമെങ്കില്‍, ബാല്‍ക്കണിയില്‍, പ്ളാസ്റ്റിക്‌ ബാഗില്‍ മന്നു നിറചും ഇപ്പണി ചെയ്യാം. അതെ പരിപാടി വെണ്ടയുടെ കാര്യത്തിലും ചെയ്യാം.

2. സ്ഥലമുണ്ടെങ്കില്‍ 10 മൂടു വഴ വെക്കുക. 4 എണ്ണം നേന്ദ്രന്‍ ആയിക്കൊട്ടെ!

3. പിന്നെ കുറച്ചു കാച്ചിലും, ചേനയും, ചീനിയും കൂടി വെക്കാന്‍ നോക്കുക. വല്ല്യ ക്രഷി ഒന്നും വെണ്ടന്നെ; ചുമ്മതെ ഒരു കൊതിക്കു തിന്നാനും മാത്രം!

4. പുരയിടത്തില്‍ പപ്പായ ഇല്ലെങ്കില്‍ ഒരു 3-4 തൈ വെക്കാന്‍ നോക്കുക. അതുപോലെ, കറിവേപ്പില, മഞ്ഞള്‍, ഇഞ്ചി, ആര്യവെപ്പ്‌, പിന്നെ കുറെ പ്ളാവ്‌, മാവ്‌ ഒക്കെ വെക്കാന്‍ നോക്കുക...

എന്തായാലും ഇതു വായിക്കുന്ന ഒരാള്‍ പോലും ഉടനെ നാട്ടില്‍ വന്ന്‌ പശുവിനെയും, ആടിനെയും ഒന്നും വളര്‍ത്താന്‍ പോകുന്നില്ല. അതു കൊണ്ട്‌ അത്‌ തല്‍കാലം വിട്ടുകളയാം.

ഞാന്‍ ഇതെല്ലാം ചെയ്തു കഴിഞ്ഞു മാഷെ! സാധന വില കുതിച്ചു കയറുന്ന ഇക്കാലത്ത്‌, ഇന്നല്ലെങ്കില്‍ നാളെ, അമ്മച്ചിയാണെ എണ്റ്റെ അമ്മച്ചി എന്നെ നന്ദിയൊടെ ഓര്‍ക്കും. ഉറപ്പ്‌.

Sunday, 23 December 2007

എണ്റ്റെ സ്വപ്നത്തിണ്റ്റെ തിരിവോളം നിന്നെ അനുയാത്ര ചെയ്യും...

കുറെ നാളുകളായിട്ട്‌ ഒന്നും എഴുതുന്നില്ലാ... കഴിഞ്ഞ ദിവസം ഒരു നല്ല സുഹ്രിത്തിണ്റ്റെ mail വന്നിരുന്നു... എന്താ ഇപ്പോള്‍ കാണാനില്ലല്ലൊ എന്നും പറഞ്ഞ്‌...
എല്ലാ കാര്യങ്ങളും അടുക്കും ചിട്ടയോടും കൂടി ചെയ്യണമെന്നുണ്ട്‌... പക്ഷെ അലസത കൂടി കൂടി വരുകയാണ്‌. ചിലപ്പോള്‍ ആലോചിക്കും എന്താ ഈ അലസതക്കു കാരണമെന്ന്... സത്യത്തില്‍ പ്രത്യേകിചു ഒന്നുമില്ല...ഒന്നിലും വലിയ കാര്യമൊന്നുമില്ല എന്ന സിമ്പിള്‍ സിദ്‌ധാന്തം തന്നെ തുണക്കെത്തുന്നത്‌..

ഇപ്പോള്‍ എഴുതാന്‍ ഒരു വിഷയം കിട്ടി... പക്ഷെ എഴുതണമോ എന്നാണു ഇപ്പോഴും ചിന്തിക്കുന്നത്‌... മറ്റൊന്നുമല്ല, നരേന്ദ്ര മോടിയുടെ വിജയം... Indiaക്കാരന്‍ ആണെന്നു പറയാന്‍ നാണം തോന്നിപ്പോവുന്നത്‌ ഇതു പോലുള്ള സമയത്താണ്‌. അല്ലെങ്കില്‍ വേണ്ട.. എന്തിനെഴുതി എണ്റ്റെ സമയം കളയുന്നു? "അടിക്കെണ്ടമ്മാവാ ഞാന്‍ നന്നാവില്ല" എന്നു പറയുന്ന ഒരു ജനതയോടെന്തു പറയാന്‍?

എല്ലാവര്‍ക്കും എണ്റ്റെ Christmas ആശംസകള്‍!

Dubai ലെ മുറിയിലിരുന്നു പുറത്തോട്ടു നോക്കിയാല്‍ അപ്പുറത്തെ Building കാണാം..
നാട്ടിലായിരുന്നെങ്കില്‍, അപ്പുറത്തു ജൂലിക്കുട്ടിയുടെ വീട്ടില്‍ നിന്നും Cake കൊണ്ടുവരും...

പിന്നെ റോഡില്‍ പോയി എണ്റ്റെ കൊച്ചു outhouse ല്‍ ഇരുന്നാല്‍, മഞ്ഞു വീണു നനഞ്ഞ റോഡിലൂടെ സുന്ദരിക്കുട്ടികള്‍ പള്ളിയില്‍ പോകുന്നതു കാണാം.. പോകുന്ന വഴിക്കു എന്നെ അവിടെ കണ്ടാല്‍ ഒരു കുശലം..ഒരു കള്ളചിരി ഒക്കെ പതിവാണ്‌...

ഇപ്പോള്‍, ഇവിടെ ഇരിക്കുമ്പോള്‍ എല്ലാം ഓര്‍മകള്‍ മാത്രം...

മഞ്ഞുവീണു നനഞ്ഞ നടവഴിയിലൂടെ ഒരാള്‍ കൂടി നടന്നു വരുന്നതു കാണാന്‍ ഞാന്‍ കണ്ണുകളടക്കട്ടെ..

എണ്റ്റെ സ്വപ്നത്തിണ്റ്റെ തിരിവോളം ഞാന്‍ എണ്റ്റെ കണ്ണുകള്‍ കൊണ്ടു നിന്നെ അനുയാത്ര ചെയ്യും...
പിന്നെ, ഒരു ഊഷ്മളത ഹ്രിദയത്തിലേറ്റി ഉണര്‍ന്നെഴുന്നേല്‍കും...

Wednesday, 21 November 2007

കുറെ നല്ല പാട്ടുകളും വാനപ്രസ്ഥം സിനിമയും.

കുറെ നല്ല പാട്ടുകളും വാനപ്രസ്ഥം സിനിമയും.

vaanaprasthamhttp://www.youtube.com/watch?v=VdfeYirmgFw&NR=1

Etho Janma Kalpanayil
http://www.youtube.com/watch?v=51HnWmtaQzk&mode=related&search=

Nin tumbu kettiyitta - Shalini Ente Kootukari (1978)
http://www.youtube.com/watch?v=vKewA4ZPMfY&mode=related&search=

Poomkaatinodum- Poomukhapadiyil Ninneyum Kaathu (1986)
http://www.youtube.com/watch?v=NubEwdQeyC8&mode=related&search=

Melle Melle - Oru Minnaminunginte Nurunguvettom (1987)
http://www.youtube.com/watch?v=dPd3_KkNqhU&mode=related&search=

malayalam song aathmavin pusthakathalil_mazhayathum munpe
http://www.youtube.com/watch?v=Oi7AzIPeNdo&mode=related&search=

Oru Kodi Swapnangalal Theerthoru - Theekaattu (1987)
http://www.youtube.com/watch?v=Ta1masyqkRM&NR=1

Oruvattom Koodi - Chillu (1982)
http://www.youtube.com/watch?v=EFwG-x21FDs

ilam manjil kulirumaayi
http://youtube.com/watch?v=7I0l602R6Rg

Thumbee vaa
http://www.youtube.com/watch?v=l1lBbkWx0Dk

Aakashamaake - Namukku Paarkkan Munthirithoppukal
http://www.youtube.com/watch?v=Gf-PJlu9sbQ