നല്ല നാലു വർത്തമാനവും നവസാംസ്കാരിക"നായ" യുടെ വീട്ടുകാര്യവും!

1

നീയെന്നോടു എന്നെക്കുറിച്ചു പറയരുത്‌,
എനിക്കൊന്നുറങ്ങണം.

2
ഞാൻ ചിരിച്ചത്‌, നീ വീണതു കണ്ടിട്ടല്ല,
ലവളുമാരതു കണ്ടല്ലോന്നൊള്ള സന്തോഷം.

3
ഞാൻ കല്യാണം കഴിച്ചു,
അപ്പോ പ്രേമിക്കാനെനിക്കിനി അവകാശമില്ലേ? 

4
എല്ലാരും ചൊല്ലുമ്പം, ഏനും ചൊല്ലും,
എന്നാലും ചിലപ്പം അതിശയം, സംശയം,
എന്തൂട്ടു കണ്ടിട്ടാ ഞാൻ തൊള്ള തുറക്കുന്നേ?!!

5.

ജ്ഞാനം, ജ്ഞേയം, ദർശനം.
യുങ്ങ്‌, കാന്ത്‌, ചേഗുവരേ, പിന്നെ...
എടീ ഭാര്യെ, അത്താഴം വെളമ്പീട്ടു,
കട്ടിലു വിരിച്ചിടടീ പന്നീ!