എന്റെ ജീവിതാനുഭവങ്ങളും, സ്വപ്നങ്ങളും, പിന്നൊരിത്തിരി സാഹിത്യവും...

Thursday, 9 July 2009

എന്റെ കേരളം, എത്ര സുന്ദരം! (അത്യന്താധുനിക പൊട്ടക്കവിത)

അയൽപക്കത്തെ കുട്ടിയുടെ ശവമടക്കത്തിനു പോവാതെ,

ഞാൻ എന്റെ പ്രണയിനിക്കു പ്രേമമൂറുന്ന mail അയച്ചു.

ഭർത്താവിനോടു phoneൽ കൊഞ്ചികൊണ്ടെന്റെ പ്രണയിനി,

അവളുടെ നഗ്നമേനി എന്നെ webcamൽ കാണിച്ചു.

പ്രകാശ്‌ കാരാട്ട്‌, പിണറായിയിൽ നിന്നും എത്ര പറ്റിക്കാണും,

എന്നു പറഞ്ഞു കൊണ്ടു, എന്റെ പോലീസുകാരൻ കൂട്ടുകാരൻ അന്നു കിട്ടിയ കൈക്കൂലി Barൽ എണ്ണികൊടുത്തു.

കൈക്കൂലി വാങ്ങുന്നതു കയ്യിൽ വെക്കരുതെന്നവൻ തത്വവും പറഞ്ഞു.

ഞാൻ അടിച്ചു ഫിറ്റായി ഗാന്ധി പ്രതിമയുടെ ചുവട്ടിൽ വാളു വെച്ചു കിടന്നു.

എന്റെ മോൻ അതു twitterലും Facebookലും അന്നേരം തന്നെ update ചെയ്തു.

ഇതൊന്നുമറിയാതെ, ദീദി പാടിക്കൊണ്ടിരുന്നു-
"എന്റെ കേരളം, എത്ര സുന്ദരം!"

(ചൂടു കാലമായാൽ ഇത്തിരി അസുഖമുണ്ടെന്നു ചിലർ ചുമ്മാ പറയുന്നതാ..)

Tuesday, 23 June 2009

ലൂക്കോയുടെ "warm water Theory" യും, ഒരു സായാഹ്നത്തിലെ ഞടുക്കവും. (കഥ)

മരുന്നുകുപ്പിയുടെ പുറത്തെഴുതിയിരിക്കുന്നതു ഉറക്കെ വായിച്ചുകൊണ്ടു ഹരി കസേരയിൽ ചടഞ്ഞിരുന്നു.

"..let the capsule dissolve in luke warm water and.."

"luke warm water! ലൂക്കോയുടെ warm water!"

മേശപ്പുറത്തു വെച്ചു Record book വരച്ചുകൊണ്ടിരുന്ന അനി തല ഉയർത്താതെ പെട്ടെന്നു വിളിച്ചു പറഞ്ഞു.

"രാവിലെ പൊട്ടത്തരങ്ങൾ വിളിച്ചു പറഞ്ഞു മനുഷ്യനെ മണ്ടനാക്കല്ലേടാ അനി.." പറയുന്നതിനിടയിൽ push up എടുക്കുന്നതിന്റെ എണ്ണം തെറ്റാതിരിക്കാൻ ഓർമ്മ വെച്ചു കൊണ്ടു കുര്യൻ മനസ്സിലോർത്തു, "ഇനി അനി, അവന്റെ സ്വന്തം തിയറിയുമായിട്ടു വരും മനുഷ്യനെ മക്കാറാക്കാൻ"

അനി മുഖം ചെരിച്ചു കുര്യനെ കുറെ നേരം നോക്കി. എന്നിട്ടു മെല്ലെ പറഞ്ഞു.. "കുര്യാ നീ ആണു ഈ തിയറി അറിഞ്ഞിരിക്കെണ്ട ആൾ"

"അതെന്തു തിയറി ആണെടാ, ഞാൻ ഇത്ര അത്യാവശ്യമായിട്ടും അറിയേണ്ടുന്നത്‌?" കുര്യൻ push-up എടുക്കുന്നതു നിർത്തി ഒരു ചിരിയോടെ എഴുന്നേറ്റു. 25 എണ്ണം വരെ കുര്യൻ കൗണ്ട്‌ ചെയ്തു കഴിഞ്ഞിരുന്നു.

"ലൂക്കോയുടെ warm water theory എന്നാൽ, തിളച വെള്ളത്തിൽ വീണ പൂച്ചയുടെ കഥ എപ്പോഴും പറയുന്ന ലൂക്കോച്ചൻ, അഥവാ ലൂക്കോസ്‌ എന്ന മനുഷ്യന്റെ കഥയാണു. വിവാഹ ജീവിതത്തിൽ ഭാര്യയുമായി പൊരുത്തപെടാൻ പറ്റാതായപ്പോൾ ഒട്ടക്കായിപോയ ഒരു മനുഷ്യന്റെ കഥ. അയാളുടെ ഒറ്റപ്പെട്ട ജീവിതത്തിലേക്കു, വേറൊരാൾ സ്വപ്നങ്ങളും, ജീവിതവുമായി കടന്നുവന്നു. മേരി എന്നായിരുന്നു അവളുടെ പേരു. ലൂക്കോക്കു മേരിമ്മാമ്മയെയും മനസ്സു തുറന്നു സ്നേഹിക്കാൻ ഒരിക്കലും കഴിഞ്ഞില്ല.പക്ഷെ മേരി പ്രസവിച്ചതു സ്വന്തം മകനെയാണെന്നു ലൂക്കോക്കു ഉറപ്പായിരുന്നു. അത്രത്തോളം മേരി ലൂക്കോയോടു സത്യസന്ധത പുലർത്തിയിരുന്നു. എന്നിട്ടും.."

കാണാതെ പഠിച്ച ഒരു ഖണ്ഡിക തെറ്റാതെ പറയുന്നതു പോലെ ഏകാഗ്രതയോടും നാടകീയതയോടുമാണു അനി പറഞ്ഞുകൊണ്ടിരുന്നത്‌.

കഥ മുറിച്ചുകൊണ്ടു കുര്യൻ ചോദിച്ചു "ആരാടാ ഈ ലൂക്കോ?.."

"എന്റെ അപ്പനാണു, പക്ഷെ എന്റെ അമ്മയുടെ ഭർത്താവല്ല.

നിന്റെ അമ്മയുടെ ഭർത്താവാണു, പക്ഷെ നിന്റെ അപ്പനല്ല."

ഒരു കടംകഥ പറഞ്ഞു നിർത്തിയതു പോലെ അനി Record book ലേക്കു തല കുനിച്ചു.

Monday, 13 April 2009

വിഷു ആശം സകൾ, എന്റെ എല്ലാ കൂട്ടുകാർക്കും.


വിഷു ആശം സകൾ, എന്റെ എല്ലാ കൂട്ടുകാർക്കും.

Sunday, 5 April 2009

വായനയുടെ ഉത്സവക്കാലത്തിലേക്ക്‌..

ഞാൻ വീണ്ടുമൊരിക്കൽക്കൂടി, കൗമാരത്തിലെ എന്റെ വായനയുടെ, വസന്തകാലതിലേക്കു തിരിച്ചുപോവുന്നു..
ഏറെ നാളായി വായന കുറഞ്ഞിരിക്കുക ആയിരുന്നു..
ഇക്കഴിഞ്ഞ 2 അവധി ദിവസങ്ങളിലായി 2 പുസ്തകങ്ങൾ വായിച്ചു തീർത്തു.
1. Sister Jesmiഉടെ ആമേൻ എന്ന പുസ്തകം.
രഹസ്യങ്ങൾ അറിയാനുള്ള ഗൂഢമായ താൽപര്യം കൊണ്ടു മാത്രം വായിച്ചു.

2. കെ. പി. അപ്പൻ സാറിന്റെ "തനിച്ചിരിക്കുമ്പോൾ ചിന്തിക്കുന്നത്‌".
ശരിയായ ആത്മകഥ. ആത്മകഥകൾ എന്ന പേരിൽ ഇറങ്ങുന്ന പലതും, ശരിക്കും എഴുത്തുകാരുടെ അനുഭവകഥകൾ ആണു. പക്ഷെ അപ്പൻ സർ, സാഹിത്യത്തിലെ സൗന്ദര്യത്തിലേക്കു എങ്ങനെ എത്തിപെട്ടുവേന്നും, അതിലെങ്ങനെ അഭിരമിച്ചുവേന്നും..., വിമർശനം അദ്ദേഹത്തിനു ജീവിതതേക്കാൾ എങ്ങനെ വലുതായി എന്നും ഏറ്റവും ലളിതമായ ഭാഷയിൽ പറഞ്ഞിരിക്കുന്നു. ഒറ്റയിരുപ്പിൽ വായിച്ചു തീത്തു..പക്ഷെ ഇനിയം വായിക്കണം..കാരണം ഒരോ പുറത്തിലും ശക്തമായ നിരീക്ഷണങ്ങൾ ഉണ്ട്‌..

ഇപ്പോൽ Paulo Coelho യുടെ Witch Of Portobello വായിച്ചുകൊണ്ടിരിക്കുന്നു. ഇന്നു Dubai DC Books ൽ നിന്നും ഹൈഠർ അലി മെയിൽ അയചിരുന്നു..കുറെ പുസ്തകങ്ങളുടെ list. അപ്പൻ സാറിന്റെ "ചരിത്രത്തെ ആഗതമാക്കിയ ഗുരു" സ്റ്റോക്കുണ്ട്‌..അതു വാങ്ങണമെന്നുണ്ട്‌..

ഇനിയും ഞാൻ കുറെ നല്ല പുസ്തകങ്ങൾ വായിക്കട്ടെ.. നല്ലതു വായിക്കുമ്പോൾ വെറുതെ എഴുതാൻ പോലും മടിക്കും. എനിക്കു അപകർഷതാ ബോധം തോന്നും!

ദൈവമേ, എന്നെ എഴുത്തുകാരനാക്കി പാപിയാക്കാതെ,ഒരു നല്ല വായനക്കാരനാക്കണേ!
ചിലപ്പോൾ, ചില ചവറുകൾ വായിക്കുന്നതു കൊണ്ടു, എന്റെ കുറെ പാപങ്ങൾ പൊറുക്കപ്പെടണമെ!

Monday, 23 March 2009

വേശ്യയുടെ മകൻ/മകൾ...

പലപ്പോഴും ചിന്തിച്ചിട്ടുണ്ട്‌, എന്തപരാധമാണു ഈ കുട്ടികൾ ചെയ്തറ്റെന്നു?എല്ലാവരും ഈ കുട്ടികളെ അകറ്റി നിർത്തുന്നു..ശരിയാണു അവർക്കൊരു നല്ല സംസ്കാരം ഉണ്ടാവാൻ ഇടയില്ല..പക്ഷെ ആരെങ്കിലും അവർക്കു നല്ല വഴി കാണിച്ചു കൊടുക്കേണ്ടെ? നമുക്കും കഴിയുമ്പോലെ എന്റെങ്കിലും..

എന്തായലും, വെറുതെ ചിന്തിച്ചിരിക്കാതെ ആവുമ്പോലൊക്കെ ആ കുട്ടികളെ സഹായികുന്നവരും ഉണ്ട്‌..

http://indiachilla.blogspot.com/

Wednesday, 4 March 2009

ഒന്നും മിണ്ടാതെ രണ്ടുപേർ (കഥ)

കാറ്റാടി മരങ്ങളിൽ നിന്നും വെള്ളതുള്ളികൾ ഞങ്ങളുടെ മേൽ വീഴുന്നുണ്ടായിരുന്നു.

മഴ പെയ്തു തോർന്നിട്ട്‌ അധികം നേരമായിരുന്നില്ല..

ഒന്നും മിണ്ടാതെ ഞങ്ങൾ രണ്ടുപേരും കുറെ ദൂരം നടന്നു..

നാളെ ഞാൻ ഇവിടെ നിന്നും പോവുകയാണു..പലതും പറയണമെന്നുണ്ട്‌.. പക്ഷെ ധൈര്യ്യം ഇല്ല...അതൊ മനസ്സിലെ സ്വപ്നലോകം ഉടഞ്ഞു പോകുമെന്ന പേടി കൊണ്ടാണോ..

അവളും നിലത്തേക്കു മാത്രം നോക്കി നടന്നു..

***********

പിന്നെയും യാത്രകൾ.. ജീവിതം ഏതെല്ലാമോ വഴിയിലൂടെ, ആരോ നിശ്ചയിച്ചുറപ്പിച്ച പോലെ പോവുന്നു...

അല്ലെങ്കിൽ തന്നെ, ജീവിതതോടു സമരം ചെയ്തു എല്ലം നേടാം എന്നുള്ള മോഹം ഉപേക്ഷിച്ചു കഴിഞ്ഞിരുന്നു.. ഭാര്യ, കുട്ടികൾ, ജോലി...

"ജീവിതം എങ്ങനെ ആസദ്യകരമാക്കാം" എന്നും മറ്റുമുള്ള ലേഖനങ്ങൾ വായിച്ചു എന്തൊക്കെയോ കാട്ടികൂട്ടി, ജീവിതം സുന്ദരം എന്നു സ്വയം വിശ്യസിപ്പിച്ചു കഴിയുന്ന ഒരു ദിവസം...

ഭാര്യയും, ഞാനും കൂടി മഴ നനയാതിരിക്കാൻ Convent School ന്റെ മതിലിനോടു ചേർന്നു നടക്കുകയായിരുന്നു..

വരാന്തയിൽ അവൾ.. കറുത്ത ശിരോവസ്ത്രത്തിനുള്ളിലെ മുഖം..

അവൾ എന്നെ തിരിച്ചറിഞ്ഞിരിക്കുമോ? അറിയില്ല..

ഭാര്യയെ ചേർത്തു പിടിച്ചു നടക്കുമ്പോൾ, കാറ്റാടി മരങ്ങളിൽ നിന്നും വെള്ളതുള്ളികൾ വീണു എന്റെ ഉടുപ്പു നനയുന്നുണ്ടായിരുന്നു.