ഡോകടര്‍ സമരം : സംസ്കാരവും സാമൂഹ്യബോധവും നശിച്ചവരുടെ അവകാശസമരം

ഡോക്ടര്‍ ദൈവത്തിനു തുല്യമെന്നു കരുതുന്ന ഒരു പാവം ജനവിഭാഗത്തെ മാത്രമേ ഹൗസ് സര്‍ജന്മാരുടെ സമരം ബാധിക്കുകയുള്ളൂ. കാശുള്ളവന്‍ അന്യസംസ്ഥാനത്തു പോകും, അല്ലെങ്കില്‍ വിദേശത്ത്‌.

പാവപ്പെട്ടവന്‍ കൂടി കൊടുക്കുന്ന നികുതിപ്പണം ഗ്രാന്‍ഡ്‌ ആയി കിട്ടി പഠിച്ചിറങ്ങി പാവങ്ങള്‍ക്ക് ചികിത്സ നിഷേധിക്കുന്ന വൃത്തികെട്ട ജന്മങ്ങള്‍ ജനിച്ചതും എന്റെ നാട്ടില്‍ തന്നെയാണല്ലോ? ഡോക്ടര്‍മാര്‍ക്ക്‌ അവകാശപ്പെട്ടത് നിഷേധിക്കണം എന്നല്ല; പക്ഷെ അവകാശങ്ങള്‍ നേടിയെടുക്കാന്‍ ഉപവാസം പോലെയുള്ള സമരമാര്‍ഗ്ഗങ്ങള്‍ എന്ത് കൊണ്ട് സ്വീകരിക്കുന്നില്ല?

ഇവര്‍ ഡോക്ടര്‍മാരല്ല; ക്രിമിനലുകളാണ്. സ്വന്തം തൊഴിലിന്‍റെ മഹത്വം തിരിച്ചറിയാന്‍ കഴിയാത്ത ആഭാസന്മാര്‍. ഹൗസ് സര്‍ജന്മാരുടെ സമരത്തിനിടയില്‍ ചികിത്സകിട്ടാതെ മരിക്കുകയും, വൈകല്യം സംഭവിക്കുകയും ചെയ്യുന്ന പിഞ്ചുകുഞ്ഞുങ്ങളുടെയും, വൃദ്ധരുടയും ഗര്‍ഭിണികളുടെയും ശാപം ഈ അധമവര്‍ഗ്ഗത്തിന്‍റെ അടുത്ത തലമുറയെ ബാധിക്കല്ലേ എന്ന് പ്രാര്‍ത്ഥിച്ചുകൊണ്ട് രോഷം അടക്കാനാവാതെ...

ഡോക്ടര്‍മാരെ ഇതൊന്നുകൂടി വായിച്ചു നോക്കണം-

I swear to fulfill, to the best of my ability and judgment, this covenant:
I will respect the hard-won scientific gains of those physicians in whose steps I walk, and gladly share such knowledge as is mine with those who are to follow.

I will apply, for the benefit of the sick, all measures [that] are required, avoiding those twin traps of overtreatment and therapeutic nihilism.

I will remember that there is art to medicine as well as science, and that warmth, sympathy, and understanding may outweigh the surgeon's knife or the chemist's drug.

I will not be ashamed to say "I know not," nor will I fail to call in my colleagues when the skills of another are needed for a patient's recovery.

I will respect the privacy of my patients, for their problems are not disclosed to me that the world may know. Most especially must I tread with care in matters of life and death. If it is given to me to save a life, all thanks. But it may also be within my power to take a life; this awesome responsibility must be faced with great humbleness and awareness of my own frailty. Above all, I must not play at God.

I will remember that I do not treat a fever chart, a cancerous growth, but a sick human being, whose illness may affect the person's family and economic stability. My responsibility includes these related problems, if I am to care adequately for the sick.

I will prevent disease whenever I can, for prevention is preferable to cure.

I will remember that I remain a member of society, with special obligations to all my fellow human beings, those sound of mind and body as well as the infirm.

If I do not violate this oath, may I enjoy life and art, respected while I live and remembered with affection thereafter. May I always act so as to preserve the finest traditions of my calling and may I long experience the joy of healing those who seek my help.

1.1.11

പുതിയൊരു ദശാബ്ദം തുടങ്ങുന്നു. ഒരു ദശാബ്ദം പ്രവാസിയായി ഗള്‍ഫില്‍ കഴിഞ്ഞു. അധികമൊന്നും സാമൂഹികബന്ധങ്ങളും സൗഹൃദങ്ങളും ഉണ്ടാകാന്‍ സാദ്ധ്യതയില്ലാത്ത ഗള്‍ഫ്‌ ജീവിതത്തില്‍ വല്യൊരു ആശ്വാസമായിരുന്നു സമാനചിന്താഗതിക്കാരുമായി സംവദിക്കാന്‍ വേദിയൊരുക്കിയ ബ്ലോഗിങ്.

ഇനി വെറുതെയെഴുത്തില്ല - മലയാളം ബ്ലോഗിങ്ങ് തന്നുകൊണ്ടിരുന്ന വ്യക്തിപരമായ സൗഹൃദങ്ങളും, പങ്കുവെക്കലുകളും മാത്രം പ്രതീക്ഷിച്ച് വെറുതെ കുറിപ്പുകള്‍ എഴുതില്ല. ബ്ലോഗ്‌ ഒരു വലിയ സാദ്ധ്യതയാണ്; അതുപയോഗപ്പെടുത്താന്‍ കഴിയുന്ന ഒരു സമൂഹത്തിന്. കൂടുതല്‍ ഒന്നും പറയാനില്ല.

എല്ലാവര്‍ക്കും മനോഹരമായ പുലരികളും, കൊച്ചു സന്തോഷങ്ങളും നിറഞ്ഞ ദിവസങ്ങള്‍ ഉള്ള ഒരു പുതുവര്‍ഷം നേരുന്നു.

ശ്രീ. കെ. കരുണാകരന്‍

ചില മനുഷ്യരെ ശരി തെറ്റുകള്‍ എല്ലാം മാറ്റിവെച്ചു പോലും നമ്മള്‍ സ്നേഹിച്ചു പോവും - മരണത്തതിലെങ്കിലും...

ശ്രീ. കെ. കരുണാകരന്‍ എനിക്കങ്ങനെ ഒരാളാണ് - ഒരു മനുഷ്യന്‍റെ ജീവിതം എങ്ങനെയൊക്കെ ആയിത്തീരാമെന്ന് കാണിച്ചു തന്ന ഒരു മഹാമേരു.

ഞാന്‍ ജനിച്ച നാള്‍ മുതല്‍ പത്രത്തില്‍ വായിക്കുന്ന പേര്...

കരുത്തനായ നേതാവ്‌, കര്‍ക്കശനായ ഭരണാധികാരി,
കര്‍മ്മനിരതനായ പൊതുപ്രവര്‍ത്തകന്‍,
കുശാഗ്രബുദ്ധിയായ രാഷ്ട്രതന്ത്രന്ജന്‍,
ആശ്രിതവത്സലനായ ഗുരുവായുരപ്പന്റെ, ആശ്രിതവത്സലനായ ഭക്തന്‍,
സ്നേഹ നിധിയായ ഭര്‍ത്താവ്‌, അച്ച്ചന്‍, അപ്പുപ്പന്‍..

അങ്ങനെയെന്തെല്ലാം...?

എല്ലാമെല്ലാം അവസാനിച്ചു.
ആ മനുഷ്യജീവിതത്തെ അത്ഭുതത്തോടെ നോക്കികണ്ട ഒരാളുടെ വിടപറയല്‍...

എന്‍റെ മാനക്കേട്!

ഞാന്‍ തോറ്റാല്‍ പുറത്തുപറയില്ല;
മരിക്കേണ്ടി വന്നാലും,മാനം കളയില്ല.
മരണത്ത്തെക്കാളും വലുതാണ്‌ മാനമെന്നു
ശരിക്കും ആരാണെന്നെ പഠിപ്പിച്ചത്?

അമ്മയല്ല, അച്ച്ചനല്ല,
ആശാനല്ല, അയല്‍വാസിയല്ല,
ആശ്രമമല്ല, അമ്മയല്ല,
ആരുമല്ല! പിന്നെയെങ്ങനെ..?

തുണിയുടുത്താല്‍ മറയുന്നതാണോ മാനം?
മിണ്ടാതിരുന്നാല്‍ മാനം പോവാതിരിക്കുമോ?
അതൊന്നുമല്ല എന്നറിയാം, മാനം എന്‍റെ
കേടാണ്; എന്‍റെ മാനക്കേട്!

മേമ്പൊടി:
അപ്പഴീക്കേട്ടതോ? - "Death is not the worst than can happen to men." - Plato

പെയ്തൊഴിഞ്ഞ വാക്കുകള്‍

കാല്‍പ്പനികമായ ഒരു പ്രഭാതത്തില്‍,
ആത്മാവു പെയ്തൊഴിയുംപോലെ,
എഴുതിത്തുടങ്ങി. വരികളില്‍ പ്രണയമല്ലായിരുന്നു;
വാര്‍ന്നോഴുകിയ ഹൃദയരക്തമായിരുന്നു.

എന്‍റെയുള്ളം നിറഞ്ഞുനില്‍ക്കുന്നത് നിന്നെ-
-യറിയിക്കാന്‍ എഴുതിയതൊന്നും പോരായെന്നു
തോന്നിയപ്പോള്‍, എഴുതിതീര്‍ത്ത കുറിപ്പുകള്‍
നോക്കി ഞാന്‍ നെടുവീര്‍പ്പിട്ടു.

അക്ഷരങ്ങളെ, നിങ്ങള്‍ മാത്രം പോരായെന്‍
ആത്മാവു പകര്‍ത്താന്‍, അതിനിനിയും
വേണമൊരു വഴിയെന്നു ഞാന്‍ ഉരുവിട്ടു.
മൌനമായി ഞാനാ കണ്ണുകളിലേക്ക് നോക്കി.

അത്രമതിയായിരുന്നു!

*കുറിപ്പ്‌: ചുമ്മാ ഡയറിയില്‍ എഴുതേണ്ടിയിരുന്നത്; എന്നാലും ഇവിടെ കിടക്കട്ടെ..

മാദ്ധ്യമലോബിയും രാഷ്ട്രീയക്കാരും വ്യവസായികളും അമ്മാനമാടുന്ന രസംപിടിപ്പിക്കുന്ന കാഴ്ച്ച

മാദ്ധ്യമലോബിയും രാഷ്ട്രീയക്കാരും വ്യവസായികളും ചേര്‍ന്ന ഒരു സംഘം എങ്ങനെ നമ്മുടെ നാടിനെയും ജനങ്ങളെയും അമ്മാനമാടുന്നതെന്ന് വായിക്കുക. നല്ലൊന്നാന്തരം Thriller!


ഇതില്‍ ഉള്പെട്ടിരിക്കുന്ന പലരും നിഷേധക്കുറിപ്പുകള്‍ ഇറക്കി കഴിഞ്ഞു... സത്യമെന്തെന്ന് ആര്‍ക്കറിയാം?
 
http://www.openthemagazine.com/article/nation/some-telephone-conversations

എനിക്കയ്യപ്പനെ ഇഷ്ടമായിരുന്നു

മിനിയാന്നു പലതും പറഞ്ഞിരുന്നപ്പോള്‍
അയ്യപ്പന്‍റെ കാര്യം പെണ്ണിനോട് പറഞ്ഞിരുന്നു.
അപ്പോഴോര്‍ത്തില്ല ഇന്നലെ അയ്യപ്പന്‍ മരിക്കുമെന്ന്
ഇന്നലെ ടിവിയില്‍ അയ്യപ്പന്‍ കവിത ചൊല്ലി.

ഇന്ന് കാലത്ത്‌ അയ്യപ്പന്‍റെ അപദാനങ്ങള്‍ തേടി
ഇന്റര്‍നെറ്റ്‌ പത്രങ്ങളില്‍ പരതി..
അധികമൊന്നുമില്ല, എല്ലാവരും ഒരുപോലെയൊക്കെ പറയുന്നു.
അല്ലെങ്കില്‍ത്തന്നെ എന്തുണ്ട് ഏറെ പറയാന്‍?

രാവിലെ റോളതെരുവിലൂടെ നടന്നപ്പോള്‍,
ദിവസക്കൂലിക്ക് പണിക്കുപോകുന്ന പട്ടാണിയും,
ബംഗ്ലാദേശിയും, തമിഴനുമെല്ലാം
അയ്യപ്പന്‍റെ മുഖമാണെന്നു തോന്നിപ്പോയി.

ഒന്നിലും നോക്കാതെ, എല്ലാത്തിലും നോക്കി നടന്ന അയ്യപ്പന്‍.
എനിക്ക് വലിയ ദുഖമോന്നുമില്ല; അയാള്‍ എനിക്കത്ര
അടുപ്പമുള്ള ഒരാളോന്നുമല്ലല്ലോ?
അല്ലെങ്കില്‍ തന്നെ അയാള്‍ക്ക് ആരോടുണ്ടായിരുന്നു അടുപ്പം?

പക്ഷെ, എനിക്കയ്യപ്പനെ ഇഷ്ടമായിരുന്നു.
അയ്യപ്പന്‍ സത്യം പറയുമായിരുന്നു.
ആവശ്യം വരുമ്പോള്‍,കാശ് വാങ്ങാന്‍
അയ്യപ്പന് ആമുഖം വേണ്ടായിരുന്നു.

എനിക്കയ്യപ്പനെ ഇഷ്ടമായിരുന്നു.